Footer

Fire truck visibility, maiwayat iti Paskua, Baro a Tawen

CAOAYAN, Ilocos Sur – No adda police visibility, adda met kaibatoganna a fire truck visibility ditoy nga ili.

Naammuan manipud iti opisial ti Bureau of Fire Protection ditoy nga ili nga iwayatda ti panagpasiar ti fire truck iti amin a barangay ditoy nga ili ket maiwarwaragawag babaen iti public address system dagiti fire safety tips tapno malapdan ti pannakapasamak ti uram nangruna iti panawen ti panangselebrar iti Paskua ken Baro a Tawen.

Agpasiar ti firetruck mangrugi iti alas nuebe y media agingga iti alas dies ti bigat agingga iti Disiembre 21 sakbay ti Paskua ken maituloy iti lima nga aldaw agingga iti agtapus daytoy a tawen.#