Footer

Lalaki, biktima ti hit and run

CANDON CITY – Naideklara iti ospital a nakaitarayanna nga awanen ti biag ti maysa a biktima iti hit and run iti aksidente a napasamak iti Barangay Allangigan 2nd ditoy siudad idi agsapa ti Disiembre 16.

Nasarakan dagiti polis-Galimuyod ni Sonny Bisoy y Gamintong, 65, naasawaan, ken residente ifi Barangay San Andres, Candon City, a nakadasay iti dayaen a linia ti Galimuyod-Salcedo road idi agarup 4:30 ti agsapa ti nadakamat a petsa ket intarayda iti ospital ngem naideklara daytoy nga awanen ti biagna.

Nagsagrap ti biktima iti sugat iti ulona ken nadumaduma a paset ti bagina gapu iti mapapati a pannakadungparna iti lugan a tinarayan dagiti di nabigbig a nakadungpar kenkuana.

Malaksid kadagiti buong ti sarming, nakasarak dagiti polis-Candon iti sinelas iti nakapasamakan ti aksidente.#