Footer

Rank and file, department heads, agpapada ti bonusda

CABUGAO, Ilocos Sur – Agpapada ti bonus dagiti empleado ken pangulo dagiti nadumaduma a departamento ditoy nga ili, daytoy ti kinuna ni Mayor Edgardo S. Cobangbang, Jr. itay nabiit.

Impalgak ni Cobangbang a tapno magun-od daytoy, nagsakripisioda a nabutosan nga opisial iti lokal a gobierno ditoy tapno agpapada ti bonus manipud iti rank and file agingga kadagiti department heads.

Naammuan ti Tawid News a P5,000.00 laeng ti bonus dagiti elected officials nga indauluan ni Cobangbang, ket gapu iti daytoy, nangatngato ti bonus ti rank and file agingga iti department heads.

Maipalagip nga idi napan a tawen, awan ti inawat dagiti empleado ditoy nga ili agsipud ta naitulong kadagiti biktima ti Bagyo Yolanda.

Kinuna ni Cobangbang a nagbainda iti bagida nga umawatda iti bonus idinto nga adda dagiti agsagsagaba gapu iti Bagyo Yolanda ket nagyaman kadagiti kapamilia ti LGU Cabugao gapu ta awan ti nangeg a negatibo a komentario iti kaawan ti bonusda idi napan a tawen ket ita a tawen ti panantsupapakna kadagitoy.#

Comments are closed.