Footer

Bus, van nagdinnungpar, maysa ti natay

TAGUDIN, Ilocos Sur – Natay ti drayber iti maysa a kotse kalpasan a nakidunnungpar ti luganna iti pampasahero a bus sadiay Barangay Bio ditoy nga ili idi bigat ti Pebrero 26.

Dagus a natay ni George Benitez y Burgos, 64, naasawaan, ken residente iti Barangay Ubbog, Bangar, La Union gapu kadagiti grabe a dunor iti ulona a sinagrapna kalpasan a nakidinnungpar ti Isuzu Crosswind SUV a minanehona iti Farinas Bus Trans iti national highway a sakup ti Barangay Bio ditoy nga ili idi agarup 10:05 ti bigat ti bigat ti Pebrero 26.

Naammuan iti panagimbestiga dagiti polis nga agpaamianan a direksion ti bus a mninaneho ni Henry dela Cruz y Manaday, 56, naasawaan, ken residente iti Barangay 57, Pila, Laoag City idi mapapati a kimmaut iti liniana ti Isuzu Crosswind SUV a minaneho ni Benitez a puon ti nagdinnungparanda.

Gapu iti pigsa ti panagdinnungparda, napukaw ti drayber ti bus ti kontrolna iti manibela ket naisubusob ti lugan iti creek iti laud a paset ti akin-abagatan a linia ti kalsada idinto a nakaro ti pannakadadael ti makannigid a paset ti SUV.

Nakaro ti pannakadunor ti ulo a ni Benitez a nakatayanna a dagus idinto a naitaray iti Ilocos Sur District Hospital, Barangay Bio, Tagudin, Ilocos Sur para iti pannakaagasda da dela Cruz ken ti konduktorna a ni Harold Sabugo y Asquita, 50, naasawaan, ken residente iti San Nicolas, Ilocos Norte.#

Comments are closed.