Footer

Drug pusher, inaresto dagiti polis

CANDON CITY – Maysa manen a drug pusher ti inaresto dagiti polis ditoy babaen ti buy-bust operation nga insayangkatda sadiay Barangay San Jose, Candon idi malem ti Pebrero 26.

Tiniliw dagiti nagtipon nga elemento ti Candon City Police Station ken ti PAIDSOTG ni Alfredo Fernando y Pahinag, 26, baro, ken residente iti Barangay San Nicolas, Candon City kalpasan a nakakumpiskada iti ikut ti suspek iti maysa a heat sealed plastic sachet a naglaon iti mapapati a shabu, maysa Nokia cellular phone, dua a sag-P500.00 a naaramat a buy-bust money.

Naipan ti suspek agraman iti nakumpiska kenkua iti police station ti Candon para iti umisu a disposision.#