Footer

Drug rehab center, mailunglungalong a maipasdek

VIGAN CITY – Maysa kadagiti proyekto nga ilunglungalong ti gobierno probinsial ti pannakaipasdek ti rehabilitation center para kadagiti nailuod iti droga ditoy probinsia.

Kinuna ni Vice Gov. Deogracias Victor Savellano nga ilunglungalongna ti pannakaipasdek ti drug rehabilitation center tapno adda pakataripatuan dagiti nailuod iti droga ket saandan a maipan iti Baguio wenno Manila.

Kinuna ni Savellano a maiyasping iti pannakaimaton ti Balay Taripato ti mailunglungalong a drug rehabilitation center.

Adda dua a Balay Taripato nga impasdek ti gobierno probinsial iti Magsingal ken Cabugao a pakatartaraknan dagiti lallakay ken babbaket nga agmaymaysan iti biag ken awan dagiti kabagianda a mangtaripato kadakuada.#

Comments are closed.