Footer

Paltog, naisuko

CERVANTES, Ilocos Sur – Maysa a paltog ti insuko ti dua a residente iti Sitio Pantay, Barangay San Juan ditoy nga ili iti polis idi agsapa ti Pebrero 24.

Mismo a da Danilo Anga-angan y Inigo, 50, naasawaan, ken Danny Gaburno Apayyo, 55, naasawaan, agpada nga agnaed iti nadakamat a barangay ti nagturong iti kuerpo ti polis ditoy ket insukoda ti maysa a homemade paltik shotgun.

Kinuna dagiti dua a nasarakanda ti paltog iti dalanda nga agturong iti karayan tapno sarungkaranda ti pamupokanda iti lames.

Saan pay nga ammo no asino ti akinkukua iti nasao a paltog.#