Footer

Security guard, bangkay a nasarakan

VIGAN CITY – Bangkayen ti maysa a security guard idi masarakan ti maysa nga empleada iti opisinada idi Pebrero 25.

Naireport iti police station ditoy a nasarakan ni Janet Briones y Agroilan, 47, naasawaan, ken residente iti Barangay II, Vigan City, ti bangkay ni Edwin Fuller y Cabigne, 52, naasawaan, ken residente iti Barangay Napo, Magsingal iti records section ti Land Transportation Office, Vigan City.

Naitaray ti guardia iti Gabriela Silang General Hospital para iti pannakaeksamenna no ania ti nakagapu iti ipapatayna.

Iti inisial a panagimbestiga dagiti polis, awan ti makitada a sugat ni Fuller.#