Footer

Produkto ti Cervantes nadaras a malako iti Kannawidan Fest

CERVANTES, Ilocos Sur – Nadaras a malako dagiti produkto daytoy nga ili nga indispleyda iti boothda bayat ti selebrasion ti Kannawidan Ylocos Festival a naangay iti Quirino Stadium itay nabiit.

Naammuan ti Tawid News Magasin a kaadduan a nalako bayat ti nasao a festival dagiti produkto ti Cervantes nga herbal tea, herbal soap ken red wine.
Segun iti maysa kadagiti naglako, karaman dagitoy ti one-town-one-product nga iprompromot ti ilida a Cervantes.

Nupay agpateg iti P350.00 ti maysa a pakete ti herbal tea a naglaon iti 12 a pedaso, P200.00 ti herbal soap ken P250.00 ti sangabotelia nga arak, inarak latta a gatangen dagiti kustomer dagitoy.

Tinawen nga angayen ti gobierno probinsial ti Kannawidan Ylocos Festival kas panangselebrar iti panagwayas a probinsia ti Ilocos Sur idi Pebrero 2, 1818.#

Comments are closed.