Footer

Motorsiklo, natnag iti derraas

CERVANTES, Ilocos Sur – Maysa ti natay idinto a nadunor dagiti kaduana idi natnag ti motorsiklo a naglugananda iti derraas sadiay Sitio Galungan, Barangay Rosario ditoy nga ili idi parbangon ti Marso 3.

Naitaray iti Bessang Pass Memorial Hospital ditoy nga ili da Delfin Tero Tumalban, 18, ken dagiti nakilubbon kenkuana a da Marino Calay y Inyaca, Jr., 17, ken ni Fender Calacal y Shongdawen, 15, residenteda amin iti Barangay Comillas North, Cervantes, Ilocos Sur gapu kadagiti dunor iti nadumaduma a paset ti bagida ngem naideklara ni Calacal a dead on arrival iti ospital.

Segun iti report, agdaldaliasat ti Euro 150 a motorsiklo a minaneho ni Tero iti Cervantes-Bontoc road, partikular iti Sitio Galungan, Barangay Rosario idi napukaw ti drayber ti kontrolna iti manibela ket naitapuakda iti derraas.#

Comments are closed.