Footer

Ospital para ubbing, plano a maipatakder

VIGAN CITY – Panggep ti gobierno probinsial ti mangipatakder iti ospital a para laeng kadagiti ubbing, daytoy ti naammuan manipud ken ni Gov. Ryan Singson itay nabiit.

Kinuna ni Singson a sabali laeng ti pannakataming dagiti masakit nga ubbing no mailaokda kadagiti nataengan isu a gagem ti gobierno probinsial ti mangipatakder iti ospital para laeng kadagitoy.

Plano ti gobernador a maipatakder ti ospital iti bakante a lote iti asideg ti Gabriela Silang General Hospital.

Segun ken ni Singson, maiyannatup ti pannakabangon ti maysa nga ospital para ubbing iti Vigan City gapu ta napadpadawayan daytoy a child-friendly city.#

Comments are closed.