Footer

Presio karne ti baboy iti tiendaan, agtaltalinaed

MAGSINGAL – Agsipud iti pumigpigsa a demand, agtaltalinaed ti P190 a presio kada kilo ti karne ti baboy iti tiendaan publiko ditoy nga ili.

Segun iti maysa nga opisial ditoy, mailaklakon iti P120 kada kilo ti baboy nga agdagsen iti nasursurok a 100 kilos idinto a P115 kada kilo ti presio dagiti baboy nga agdagsen iti 80 kilos agingga iti 99 kilos isu nga agtaltalinaed iti P190 kada kilo ti presio ti karne ti baboy a mailaklako iti tiendaan.

Maipalagip a simmuyop ti presio ti karne ti baboy ditoy iti P200 kada kilo ngem naipababa met laeng iti P190 kada kilo kalpasan a dinillaw dagiti kustomer ti panagpangatona.

Kapaliiwan a no umasidegen ti kalgaw, ngumato ti demand iti karne ti baboy.#