Footer

Pugon, kamalig, dimmapo

STA. MARIA, Ilocos Sur – Maysa nga aldaw sakbay ti panangselebrar iti Fire Prevention Month, nauram ti maysa a pugon ken kamalig iti Barangay Ag-agrao ditoy nga ili.

Dagus a nagresponde dagiti polis ken bumbero ti Bureau of Fire Protection kalpasan a nakaawatda iti tawag iti selpon manipud ken ni Mayor Edgar Florendo nga adda uram iti nadakamat a barangay iti agarup 7:00 ti agsapa ti Pebrero 28.

Idi dimmanon dagiti bumbero iti nadakamat a barangay, nauramen dagiti pugon ken kamalig ni Pedro Doña a mapattapatta a dimmapuan ti P500,000.00 ti pategda a sanikua.

Saan a nailanad iti report no ania ti nakagapu iti uram.#