Footer

5 drug pushers, nanabtuog iti nagsasaruno a buy bust operations

VIGAN CITY – Tallo a buy bust operations ti insayangkat ti kapolisan ditoy ken iti Bantay idi Hunio 4 a nakaipalab-ogan iti lima a maatap a drug pushers.

Iti nagsaruno nga operasion nga inwayat dagiti nagtipon nga elemento ti kapolisan idi agarup 10:00 ti bigat ken 2:45 iti malem ti nadakamat a petsa, natiliw ni Roger Bellon Adoc, 40, naasawaan, tricycle driver ken residente iti Barangay Salindeg, Vigan; ken da Joel Pacpaco y Palapala, 38, baro, tricycle driver ken residente iti Brgy. Sagpat, Bantay, Ilocos Sur ken Jim Cornelio Gascon Ines, 25, baro, ken residente iti Brgy. Pantay Daya, Vigan City, Ilocos Sur.

Ti nagtipon nga elemento ti Vigan Police Station, Ilocos Sur PAIDSOTG ken PDEA ISSET 1 ti nangisayangkat iti immuna nga operasion sadiay Barangay Tamag, Vigan City idi agarup 10 ti bigat ti Hunio 4 idinto a ti Vigan CPS, Bantay PS, Ilocos Sur PAIDSOTG, Ilocos Sur Provincial Intelligence Branch, ISCIDG ken PDEA ISSET 1 dagiti nangipakat iti maikadua nga operasion idi agarup 3:45 ti malem iti dayta met laeng a petsa sadiay Barangay Pantay Daya, Vigan City.

Nakumpiska iti ikut ni Bellon ti 4 heat sealed plastic sachet a naglaon iti mapapati a shabu; maysa a disposable lighter; ken P500.00 a naaramat a buy bust money.

Segun iti report, nagatang ti maysa a heat sealed plastic sachet a nagkarga iti mapapati a shabu manipud ken ni Gascon idinto a sabali a heat sealed plastic sachet a naglaon iti mapapati a shabu ken P1,000.00 a naaramat a buy bust money ti nakumpiska ken ni Pacpaco.

Nakumpiska pay iti ikut da Pacpaco ken Gascon maysa a berde a plastic box, a nagmarka iti Strong Candy; disposable lighter; improvised glass tooter; ken nangisit a cellular a nagmarka iti SKK mobile.

Kabayatanna, idi agarup 10:38 ti bigat met laeng ti Hunio 4, nangiwayat buy bust operation ti Bantay Municipal Police Station, Ilocos Sur Provincial Anti-Illegal Drugs Special Operation Task Group, Provincial Intelligence Branch, PDEA, ISSET, CIDG ken Vigan City Police Station, Vigan City, Ilocos Sur, iti babaen ti direkta a superbision ni Police Senior Supt. Nestor Eswagan Felix, acting provincial director, sadiay Barangay Balaleng Amianance, Bantay, Ilocos Sur, partikular iti Villegas Apartment a nagresulta iti pannakatiliw da Allan Pisalbo y dela Cruz, 29, naasawaan, katulong ken iti kasinsinna a ni Michelle Parungao y Mallon, 28, awanan asawa, housekeeper, agpada a residente iti Barangay Amianance, Vigan City ngem agnanaed iti nasao nga apartment.

Nakakumpiska dagiti polis iti ikut dagiti dua ti 83 a babassit a heat-sealed transparent plastic sachets a nagkarga iti mapapati a shabu; maysa a digital weighing scale; getteng; Samsung cellular phone; maysa a pakete ti plastic sachet a mapapati a maaramat para iti repacking; ken P500.00 a naaramat a buy bust money.

Nasukainan dagiti polis iti apartment dagiti suspek dagiti mapapati nga illegal a droga a naikabil iti uneg ti resealed Super Crunch Cornchips Cheddar Cheese a mapatta-patta nga agdagsen iti 7 grams ken nabungon iti colored paper.

Naipan dagiti suspek iti Bantay police station para iti dokumentasion ken umisu a disposision.#

Comments are closed.