Footer

5 estudiante iti Hawaii, agadal iti Ilocano language

CANDON CITY – Lima nga estudiante manipud iti estado ti Hawaii ti adda ita ditoy probinsia tapno agadal iti lengguahe nga Ilokano kas paset ti programa ti pagadalanda nga ILAING.

Nakipartisipar dagitoy nga estudiante agraman dagiti guardianda iti selebrasion ti Aldaw ti Wayawaya ditoy siudad.

Agtalinaed dagiti estudiante iti makalawas ditoy tapno makiinnadalda kadagiti nadumaduma a pagadalan iti elementaria, high school ken kolehio mainaig iti Ilocano language.

Pasiaren pay dagiti estudiante dagiti tourist spots iti probinsia babaen ti panangbayabay kadakuada da Mayor Ericson Singson, agpaay a host, Gov. Ryan Singson ken Vigan Mayor Eva Marie S. Medina.

Sakbay daytoy, nagpinnirma ti Candon City ken Honolulu, Hawaii iti sisterhood agreement para iti panagtinnulongda kadagiti programa ken proyekto a mangpadur-as iti ekonomia, kultura ken edukasion dagiti dua a siudad. (Danny Antalan)