Footer

Carnapper, nakasuan

VIGAN CITY – Uray la dua ti warrant of arrest a naiyisio maikontra iti maysa nga akusado iti carnapping nga inaresto dagiti nagtitipon nga elemento ti kapolisan idi malem ti Hunio 8.

Inaresto dagiti elemento ti kapolisan a pakaibilangan ti Vigan Police Station, CIDG RSOGT 1 ken HPGT ni Henrich Nisco Ganapin, aka “Bonito”, 23, ken residente iti Barangay III, Vigan City babaen ti bileg ti warrant of arrest nga inyisio ni Judge Gina Juan Chan ti Regional Trial Court, Branch 21, Vigan City a napetsaan iti Pebrero 25, 2015 ken Judge Francisco A. Ante, Jr., ti MTCC, Vigan City a napetsaan iti Pebrero 2, 2015.

Akusado ni Ganapin iti panaglabsing iti RA 6539 wenno Anti-Carnapping Act of 1972 ken attempted homicide ken robbery iti babaen ti Criminal Case Nos. 7573-V-2015 and CC numbers 14619 ken 14620 ket nairekomenda ti piansana a P180,000.00, P60,000.00 ken P100,000.00.

Nakakustodia itan ti akusado iti police station ti Vigan.#

Comments are closed.