Footer

Otoridad nga agpirma iti MOU, naited ken ni Gov. Espino

PANGASINAN – Maysa a resolusion ti impasa ti sangguniang panlalawigan ditoy a mangited iti otoridad ken ni Gov. Amado Espino, Jr. nga agpirma iti memorandum of understanding (MOU) iti University of the Philippines para iti pannakapreserba, promosion ken irurukbos iti lengguahe ken kultura iti probinsia.

Kinuna ni Vice Governor Ferdinand Calimlim, Jr, nangputar iti nasao a resolusion, a pinili ti gobierno probinsial ti Pangasinan ti UP agsipud iti kapabilidad ken kinasiglat daytoy iti panagplano ken panagiyimplementar kadagiti naitudo a proyekto kas iti pannakabuangay ti Pangasinan Studies Center, historikal ken kultural a mapping ken inbentario ti probinsia ken munisipalidad ken siudad.

Ni Espino ti nangirepresentar iti biang ti gobierno probinsial idinto a ni Presidente Alfredo Pascual ti nangibagi iti UP iti panagpirmada iti MOU. (Manipud iti report bi Elsha Marie Soriano, PIA, Pangasinan)