Footer

Pagadalan, natakawan

VIGAN CITY – Laptop, groseria ken kuarta ti kinurimes ti maysa a mannanakaw iti maysa a pagadalan a masarakan iti Barangay III ditoy siudad a mapattapatta a tinakawanna idi agsapa ti Hunio 7.

Naduktalan ni Marcos Dasugo y Pajarillo, 49, utility worker ti pannakaserrek ti Burgos East Elementary School idi agarup 7:00 iti dayta met la a petsa.

Nabigbig met ti nagtakaw a ni Richard Ramos y Blue, 16, baro, ken residente iti Barangay VII, Vigan City.

Maysa a Joseph Aplaya ti nangipulong iti polis a nakitana ni Ramos a timmapuak manipud iti alad ti abagatan a paset ti eskuela nga adda awitna a karton.

Iti inisial a panagimbestiga dagiti polis, pinorsar ti suspek a linuktan ti ridaw ti canteen ket idi nakastrek, innalana ti maysa a Neo laptop nga agbalor iti P20,000.00, groseria nga agbalor iti P2,700.00 ken kuarta a P1,680.00.

Iti pannakaisurat daytoy, birbiroken pay dagiti polis ni Ramos.#

Comments are closed.