Footer

Paltog, nasukalan iti day care center

NAGBUKEL, Ilocos Sur – Maysa a paltog ti nasukalan ti maysa a lumugar iti uneg ti pagadalan ti day care pupils sadiay Barangay Mission, ditoy nga ili idi malem ti Hunio 8.

Segun ken ni Barangay Captain Flordeliza Cordero y Dumaslan, maysa a dina innaganan a kalugaranna ti nangireport kenkuana nga adda nakitana a maysa a homemade gauge 12 pistol ken lima a bala iti uneg ti day care center ti barangayda.

Dagus a sinukimat da Cordero ti day care center ket idi nagpositibo ti report, impakaammoda iti police station sada insuko ti paltog.

Adda iti kustodia ti polis ti nasao a paltog para iti umisu a disposision.#

Comments are closed.