Footer

Sabali pay a motorsiklo, natakaw

BANTAY, Ilocos Sur – Iti baet ti ballaag ti kapolisan iti publiko a dida panawan ti motorsikloda a di nakatulbek, adda latta dagiti di mangitaltalek. Resulta: naitaray ti motorsikloda.

Nagpulong iti polis ni Jonalyn Pilotin y Pacpaco, 35, vendor, ken residente iti Barangay Sagpat, Bantay, Ilocos Sur a mapukpukaw ti motorsiklona a Honda XRM nga imparkingna iti sanguanan ti maysa a pagtagilakuan sadiay Zone 5, Bantay, Ilocos Sur idi agarup 7:50 ti sardam ti Hulio 7.

Kinuna ni Pilotin nga imparkingna ti motorsiklona a nakatunnal ti tulbek iti ignition iti sanguanan ti MNL Auto Parts Shop sana pinanawan ta adda napanna ginatang iti Rovigie’s General Merchandizing ngem idi agsubli, awanen ti motorsiklo.

Sinawar dagiti polis ti lugan ken nangipatulodda iti flash alarm kadagiti kaparanget a police station ngem saan a nasapulan ti motorsiklo.#