Footer

Estudiante, nagudas iti Aldaw ti Wayawaya

STO. DOMINGO, Ilocos Sur – Napaltogan ti maysa nga estudiante bayat ti panagdiagingna sadiay Barangay Calay-ab ditoy nga ili idi agsapa ti Hunio 12.

Nasarakan dagiti nagresponde a polis ni Edsan Tacuban y Tumama, 17, Grade 8 iti Naglaoaan National High School nga awanen ti biagna iti provincial road gapu kadagiti sinagrapna a sugat.

Nakasarak dagiti inbestigador iti uppat a naiputok a cartridges para iti .30 cal. carbine ken maysa a bala manipud iti isu met laeng a kalibre ti paltog iti nakapasamakan ti krimen.

Iti panagimbestiga dagiti polis, bayat ti panagdiaging ni Tacuban, pinalikudan a paltogan ti/dagiti suspek a nagsagrapan ti biktima iti sugat iti makannigid a kilikili ken likudna a puon ti nakatayanna a dagus.

Di pay ammo ti motibo ti pammaltog.#

Comments are closed.