Footer

Model OFW Family Awards, naluktan

CANDON CITY -Nakalukaten ti nominasion para iti Model OFW Family Awards itoy a tawen, inwaragawag ti maysa a personnel ti Overseas Workers Welfare Administration (OWWA) itay nabiit.

Kinuna ni Verna Agbayani a manamnama nga aggapu manen iti Ilocos Sur ti mapili a Model OFW Family, kas iti napalabas a tawen.

Segun ken ni Agbayani, mabalin dagiti asosasion, organisasion ken lokal a gobierno ti manginominar kadagiti modelo a pamilia ti OFW a pagpilian iti mapadayawan ita a tawen.

Dagiti sumaganad dagiti pagibasaran iti nominasion: family solidarity, community involvement, success of family members ken success iti family investment. (Danilo Antalan)

Comments are closed.