Footer

Motorsiklo, natakaw iti garahe

STA. LUCIA, Ilocos Sur – Maysa a traysikel ti inreport ti agtagikua a napukaw iti mismo a garahena sadiay Barangay Pila ditoy nga ili idi agsapa ti Hunio 18.

Iti pulong ni Dominador Habab y Bravo, 53, naasawaan, ken residente iti nadakamat a barangay, imparkingna ti traysikelna iti uneg ti garaheda idi rabii ti Hunio 17 ket pinanawanna a nakatunnal ti tulbek iti ignition.

Kinuna ti biktima a nagtalged a nangpanaw iti luganna agsipud ta dua a motorsiklo ti imbalanganna iti likud ti traysikel.

Ngem naduktalanna laengen iti kabigatanna a nairuar dagiti dua a motorsiklo ken awanen ti traysikelna.

Sinapul ti biktima ti traysikelna ngem dinan nabirokan.#

Comments are closed.