Footer

Paltog, naipalladaw iti kalapaw

SAN VICENTE, Ilocos Sur – Maysa a paltog ti nasarakan dagiti polis iti maysa a kalapaw bayat ti panagpatroliada iti barangay road a sakup ti San Sebastian, ditoy nga ili idi rabii ti Hunio 17.

Ngem saan a nabigbig dagiti polis ti lalaki a nangipalladaw iti nasao a paltog bayat ti panaglibas daytoy iti panangkamat dagiti polis kenkuana.

Sakbayna, agpatpatrolia dagiti polis iti nadakamat a barangay road idi agarup 10:30 ti rabii ti nasao a petsa idi nakitada ti maysa a lalaki a nakaaruat iti nangisit a diaket ken camouflaged short pants a suspetsado ti tignayna.

Idi nakita ti lalaki dagiti polis, kellaat a timmaray. Kinamat dagiti polis ket nakitada nga adda impalladaw ti di nabigbig a suspek iti awan aggigian a kalapaw bayat ti panagtarayna.

Iti panagsukimat dagiti polis, nasukalanda a maysa a homemade cal. 38 revolver a nagkarga iti dua a bala ti mapapati nga impalladaw ti lalaki iti kalapaw.#

Comments are closed.