Footer

Lalaki a sumangsango iti dua a kaso, inaresto dagiti polis

NARVACAN, Ilocos Sur – Inaresto itay Hulio 8 dagiti nagtitipon nga elemento ti kapolisan ti maysa a lalaki a sumangsango iti dua a kaso iti maysa a korte ditoy nga ili.

Inaresto dagiti elemento ti CIDG Ilocos Sur, HPG ken Nagbukel police station ni Edward Eric Aloot Cabico, 27, residente iti Barangay Poblacion West, Nagbukel, Ilocos Sur babaen ti bileg ti warrant of arrest nga inyisio ni Judge Geraldine B. Ramos a napetsaan iti Hulio 2.

Sumangsango ni Aloot iti kaso a direct assault to an agent of authority ken grave oral defamation ket nai-docket dagitoy iti babaen ti 5388-N ken 5378-N.

Naipan ti akusado iti CIDG office, Bulag, Bantay, Ilocos Sur para iti dokumentasion ken naikustodia iti Nagbukel, Ilocos Sur sakbay a naipaima iti maseknan a korte.#

Comments are closed.