Footer

Umel, dead on arrival iti ospital gapu iti pannakalmes

VIGAN CITY – Posible a nagpaarayat ti biktima idi malmes ngem gapu ta umel, saan a nangeg dagiti kakaduana ti panagpatulongna. Resulta: awanen ti biag ti biktima idi intarayda iti ospital.

Iti report a dimmanon iti polis ditoy, sakbay ti trahedia, naggiinom ken naglalangoy iti baybay a sakup ti Barangay San Pedro, Vigan City dagiti aggagayyem a pakairamanan ni Cesar Reyes y Reutita, 47, baro, umel ken residente iti Barangay Salindeg idi malem ti Hulio 7.

Kalpasan ti panagginomda, naglalangoy ti grupo ket dandani nalmes ni Reyes ngem inalaw dagiti kakaduana sada impan iti nipa hut.

Nagsubli dagiti kakadua ni Reyes iti baybay tapno agkalap iti ikan ngem nalimed a simmurot ti biktima ken timmapog manen iti danum.

Madamdama, limned ti biktima ket binirok ken inalaw dagiti kakaduana iti danum sada intaray iti Gabriela Silang General Hospital ngem indeklara ti doktor a nangtaming kenkuana a dead on arrival.#

Comments are closed.