Footer

150 senior citizens, immawat iti pension

CANDON CITY – Iti Candon City, malaksid iti socialized pension nga aw-awaten dagiti senior citizen manipud iti national government, nangilatang met ti gobierno ti siudad iti sabali a pondo tapno adda nayon iti pension dagitoy.

Itay nabiit, 150 a senior citizen ti immawat iti tulong pinansial manipud ken ni Mayor Ericson Singson.

Kinuna ni Mike Carinio, dadaulo ti OSCA ken Vice President ti Senior Citizen ti Candon, a kapada ti aw-awaten dagiti senior citizen manipud iti nasional a gobierno ti it-ited kadakuada ti city government.

Agdagup iti 698 dagiti senior citizen a benepisario ti Social Pension Program ti national government.

Nangrugi idi napan a tawen daytoy a programa ti LGU-Candon City a pangtulong kadagiti marigrigat a senior citizen iti siudad. (Danny Antalan)

Comments are closed.