Footer

50 nagadal iti panagtaraknan iti kalding

CANDON CITY – Limapulo a mannalon ti nakipartisipar iti panagtaraknan iti kalding iti babaen ti Farmers Livestock School, daytoy ti impakaammo ti maysa nga opisial iti City Agriculture Office ditoy.

Kinuna ni Michael Casinio, accredited facilitator ti City Agriculture Office ti Candon, nga agseminar iti maminsan iti makalawas iti uneg ti 26 a lawas dagiti napili a 50 a mannalon.

Naawagan iti Farmers Livestock Goat Enterprise Management Seminar, masursuruan ditoy dagiti partisipante iti panagaramid iti kubong ti kalding, panagpili iti nasayaat a puli, panagmanehar, husto a panangpakan kadagitoy a dingnguen ken dadduma pay nga adalen tapno dakdakkel ti produksion.

Initiatibo ti gobierno ti siudad daytoy a programa babaen ti pannakitinnulong ti provincial government ken ti Department of Agriculture-Region 1. (Danny Antalan)

Comments are closed.