Footer

Grade I pupil, dinungpar ti traysikel

BANTAY, Ilocos Sur – Sabali pay nga aksidente ti napasamak iti national highway a sakup ti Barangay Guimod, ditoy nga ili idi agsapa ti Hulio 14.

Nagsagrap ni Cristal Faith Quintero y Aslor, 6, Grade I pupil iti Guimod Elementary School, iti sugat iti ulona kalpasan a dinungpar ti traysikel ket naitaray iti Northside Doctors’ Hospital para iti pannakaagasna.

Saan a naan-ano ni Jedrey Quintero y Collado, 29, naasawaan, nagmaneho iti Honda TMX 155 tricycle.

Segun iti police blotter, kibkibinen ni Maybel ti anakna a mapan agbasa ngem mapapati a kellaat a timmaray ti ubing a bimmallasiw iti kalsada a puon ti nakadungparan kenkuana ti traysikel a minaneho ni Quintero.

Naammuan ti Tawid News a nagareglo dagiti dua a partido tapno saanen a dumanon pay iti korte.#