Footer

Motorsiklo a naiparking iti paraangan, natakaw

STO. DOMINGO, Ilocos Sur – Uray nakaparking iti uneg ti inaladan, natakaw latta ti maysa a motorsiklo sadiay Barangay Lussoc, ditoy nga ili idi rabii ti Hulio 14.

Inreport ni Kennedy Tabula y Galicia, 25, naasawaan, ken residente iti nadakamat a barangay a naduktalanna laengen nga awan ti motorsiklona a Honda XRM nga imparkingna iti abay ti balayda idi rabii ti Hulio 13.

Kinuna ni Tabula a nakatunnal ti tulbek iti ignition ti motorsiklo.

Iti pannakaisurat daytoy, di pay ammo ti kinasiasino ti nangitaray iti motorsiklo.#

Comments are closed.