Footer

Nabagsol, saanen nga agdarum

BANTAY, Ilocos Sur – Gapu ta saanen nga agdarum ti biktima, saanen a nakasuan ti nangbagsol kenkuana.

Nagpirma ni Joy Punio y Pacis, 31, naasawaan, iti kasuratan a saanen nga agdarum isu nga ikonsideran ti kapolisan ditoy nga awanen ti kaso maikontra iti nangbagsol kenkuana a ni Randy Fabregas y Malnuyen, 24, naasawaan, car wash boy, natibo iti Cagayan de Oro ngem agnaeden iti Zone 2, Bantay, Ilocos Sur.

Naammuan iti panagimbestiga dagiti polis nga idi agarup alas 3:30 ti malem ti Hulio 12, bayat ti panaggiinom da Fabregas ken kakaduana iti Elite Zone and Auto Detailing, simmangpet ni Punio a nabartek ket kinunana iti Ilokano: “Kayatmo ta iyutek ni Buntis”.

Nagresulta daytoy iti panagsubang da Fabregas ken Punio ket nangala ti suspek iti kitchen knife sana binagsol iti naminsa ti biktima.

Naitaray ti biktima para iti pannakaagas ti sugatna iti makannigid a takiagna iti Rural Health Unit ti Bantay sa naiyalis iti Gabriela Silang General Hospital iti Tamag, Vigan City.#

Comments are closed.