Footer

3 lugan, nainbolbar iti aksidente

SANTA, Ilocos Sur – Tallo a lugan ti nainbolbar iti aksidente iti Barangay Banaoang, ditoy nga ili idi malem ti Septiembre 26.

Awan ti naireport a grabe a nasugatan ngem nagsagrap iti dadael dagiti tallo a lugan a pakairamanan ti Farinas Trans Bus, Mitsubishi Canter Aluminum truck van, ken Ford Ranger Pick-up.

Iti inisial nga inbestigasion ti kapolisan, agsalog ti Farinas Bus iti nadakamat a barangay idinto a nakasardeng ti Mitsubishi Canter ken Ford Ranger ta pinaunada nga agsikko ti di nabigbig a pick-up, ket idi makita ti drayber ti bus a ni Derick Pilotin y Valdez, 35, dagiti nakasardeng a lugan, nagpreno ngem gapu ta nagalis ti kalsada maigapu iti panagtudona, nadungparna ti Mitsubishi Canter ket dinungpar met ti Canter ti Ford Ranger.

Naipan dagiti lugan ken dagiti drayber iti police station para iti umisu a disposision.#