Footer

Nagtakaw iti motorsiklo ti Indian National, nakasuan

VIGAN CITY – Napilaan iti kaso a panaglabsing iti RA 6539 ti lalaki a masuspetsa nga adda iti likudan dagiti panagtakaw iti motorsiklo ditoy siudad.

Sakbayna, natiliw ni Eusebio Agsulod, residente iti Barangay Pagburnayan, ditoy siudad, ngem agdama nga agnaed iti Ranchito, Barangay Tamag babaen ti entrapment operation nga insayangkat ti polis-Vigan sadiay Bucay, Abra a nagpaknian ti suspek kalpasan ti panangtakawna iti motorsiklo ni Joshi Harsh Mukeshkumar, 18, baro, Indian national, ken estudiante iti University of Northern Philippines.

Narekobre dagiti polis iti nasao nga operasion saan laeng ti motorsiklo ni Mukeshkumar no di pay dua a sabali a motorsiklo.

Naipila ti kaso babaen iti inquest proceeding iti City Prosecutor’s Office, Vigan City ket nai-docket iti babaen ti NPS No: I-14-INQ-15I -00048.#

Comments are closed.