Footer

Paltog, boluntario a naisuko

SUGPON, Ilocos Sur – Insuko ti maysa a baro ti paltik a paltogna iti kapolisan ditoy idi sardam ti Septiembre 27.

Mismo a kinuyog ni Barangay Captain Jose Abaag ni Renante Balungo y Agyapas, awanan asawa, ken residente iti Barangay Poblacion, ditoy nga ili a nangisuko iti maysa a homemade caliber 22 rifle iti police station ditoy idi agarup 7:00 ti sardam ti nadakamat a petsa.

Naikustodia ti paltog iti Sugpon police station para iti umisu a disposision.

Segun iti polis, resulta daytoy iti agtultuloy a pulong-pulong ken dialogo nga isaysayangkatda iti komunidad.#