Footer

Agdamdamili, agproblema iti pila nga usarenda

VIGAN CITY – Nagproblema itay nabiit dagiti agnaed iti Barangay Paratong ken Bulala ditoy siudad iti pagalaanda iti nalabaga a daga nga usarenda nga agdamili.

Segun iti maysa nga agnaed a dina kayat a painaganan, bimmasitten ti bilang dagiti agdamdamili gapu ta problema ti pangalaanda iti pila a damilienda.

Kangrunaan a pagbiagan dagiti lumugar iti Barangay Paratong ken Bulala ti panagaramid iti paso, putik, banga, dalikan, lusob, adobe a maaw-awagan iti Vigan tiles ken dadduma pay a produkto a sukogenda manipud iti nalabaga a pila a masarakan itoy a barangay.

Naammuan ti Tawid News nga inyumanen dagiti opisial ti barangay ken ni Mayor Eva Marie S. Medina daytoy a problemada.

Mangnamnama dagiti lumugar a maaksionan ti problemada a pagalaan iti daga a damilienda.#

Comments are closed.