Footer

Baro, imbilin ti hues a maaresto

CANDON CITY – Inaresto dagiti polis ditoy ti maysa a baro iti mismo a pagtaenganna sadiay Barangay San Isidro, ditoy siudad babaen iti bileg ti warrant of arrest nga inyisio ti hues idi malem ti Oktubre 7.

Naaresto ni Jenius Edward Acance y Peralta, 21, estudiante, iti balayna a masarakan iti nadakamat a barangay babaen ti warrant of arrest nga inyisio ni Judge Policarpio P. Martinez ti Regional Trial Court, Branch 71 ket adda ita iti kustodia ti Candon City Police Station.

Sumangsango ni Acance iti kaso a panaglabsing iti RA 7610 babaen ti Criminal Case No. 3564-C ket nairekomenda nga agpiansa iti P80,000.00 para iti temporario a wayawayana.

Sakbayna, maysa a tip ti impatulod ti maysa a kameng ti Barangay Intelligence Network iti police station a nasaripatpatanna ti suspek a simmangpet iti balayda.#