Footer

Maserbian amin a pasiente: municipal health officer

CAOAYAN, Ilocos Sur – Kinuna ti municipal health officer ditoy a maik-ikkan iti agas amin a pasiente a mapan agpatulong iti opisinada.

Kinuna ni Municipal Health Officer Dr. Edna Rabena nga agpapada amin a pasiente a serbianda ken maik-ikkan amin a pasiente iti agas, saan laeng dagiti benepisario iti 4Ps, kas naireklamo iti maysa a lokal a radio station iti Vigan City.

Iti pananginterbio ni Rexon Peneyra ken ni Rabena, inlawlawag ti doktora a saan nga amin a pasiente ket agpapada ti sakitda isu a sabasabali met ti agas a maited kadakuada.

Kinuna pay ni Rabena a maikkan amin a pasiente basta adda agas a maitutop iti sakitda.

Innayon ni Rabena a no awan ti available nga agas iti health center para iti agkiddaw a pasiente , iballakadna a mapan dagitoy agpatulong ken ni Mayor Germy Singson-Goulart wenno iti DSWD.

Kinuna ti doktora nga adda capitation fund para kadagiti indigent a pasiente isu nga adda latta agas para kadagiti 4Ps ken indigent patients.#

Comments are closed.