Footer

Motorsiklo, natakaw iti Bantay Arcade

BANTAY, Ilocos Sur – Sabali manen a motorsiklo ti naireport iti polis ditoy a mapukpukaw idi rabii ti Oktubre 4.

Inreport ni Ariel Pulido Perilla, 20, estudiante, baro, ken residente iti Zone 2, Bantay, Ilocos Sur, iti polis a natakaw ti motorsiklona a Yamaha Mio Sporty nga imparkingna iti sanguanan ti Bantay Arcade.

Kinuna ni Pulido nga imparkingna ti motorsiklona iti sanguanan ti Bantay Arcade idi agarup alas sais ti malem iti nadakamat a petsa sa napan nagkumpiuter iti Com shop Internet Cafe a masarakan iti maikadua a kadsaaran.

Idi sublien ni Pulido ti luganna idi agarup 9:00 ti dayta met laeng a rabii, awanen daytoy iti nangiparkinganna.

Sinapul ni Pulido ken gagayyemna ti motorsiklona ngem didan nasapulan isu nga inreportna ti insidente iti polis.#

Comments are closed.