Footer

Police stations, naiyalarma mapukpukaw a balasang

BANTAY, Ilocos Sur – Nangipatulod ti kapolisan ditoy kadagiti kabangibangna a police stations flash alarm mainaig iti masuspetsa a mapukpukaw a balasang a residente iti Barangay Malingeb ditoy nga ili.

Sakbayna, naireport iti polis ditoy a mapukpukaw ni Bernadette Pescador y Pilon, 16, residente iti nadakamat a barangay sipud pay idi Oktubre 6.

Segun iti nangireport iti polis a ni Larry Pescador, idi aggawid iti balayda manipud iti ospital idi agarup alas dies ti nadakamat a petsa, saannan a nakita ti kaanakanna.

Innayon ni Pescador a saanda a makontak ti balasang babaen iti selponna.

Saan a nailanad iti report no adda nakagapu iti panagpukaw ti balasang.#