Footer

Bigueño, napadayawan kas outstanding OFW

VIGAN CITY, – Taga-Vigan City nga agtrabtrabaho iti Saudi Arabia ti napadayawan nga outstanding overseas Filipino worker itay nabiit.

Inawat ni Roel Palo Anicas, residente iti Barangay San Julian Norte ditoy siudad, ti 7th Obra Outstanding OFW and Balikbayan Reputation Award iti seremonia a naangay iti SM Megamall Hall 2, Mandaluyong City idi Disiembre 15.

Nabigbig ni Anicas iti kategoria ti positibo a kababalin wenno gapuanan.

Iti tawenna a 37, adun dagiti naawat ni Anicas a pammadayaw kas internasional a researcher iti Asia ken iti Kingdom of Saudi Arabia.

Adun dagiti naipublikar a sukisokna iti business, management, education, language, communication, religion and social sciences, edited international journals, ken reviewed researches. (Manipud iti report ni Imelda Rivero-Castro, PIA, Ilocos Sur)

 
Comments are closed.