Footer

2015 regional schools presscon, maangay iti Mangaldan, Pangasinan

MANGALDAN, Pangasinan – Maangay ti 2016 Regional Schools Press Conference ditoy nga ili manipud Enero 11-13, 2016, daytoy ti waragawag manipud iti opisial ti agsangaili nga schools division ditoy.

Kinuna ni Erwin Dela Rosa, education program specialist II, ti Schools Division of Pangasinan II, a sangailien ti Pangasinan Division II ti agarup 2,500 a delegado nga aggapu iti 14 a division schools iti Region 1 a pakaibilangan ti Alaminos, Batac, Candon, Dagupan, Ilocos Norte, Ilocos Sur, La Union, Laoag, Pangasinan I, Pangasinan II, San Carlos, San Fernando, Urdaneta and Vigan.

Kinuna met ni Pangasinan II Schools Division Superintendent Donato Balderas, a nakasaganan ti dibision nga idadauluanna a mangsangaili kadagiti partisipante iti kumperensia no sadino nga amin a nangabak iti division level contest ket agsasalipda iti regional level iti nadumaduma a kategoria kas iti panagsurat iti news, feature, editorial, headline ken sports, copyreading, cartooning, radio broadcasting iti English ken Filipino a pakairamanan ti  kategoria ti  Iluko ken Pangasinan para iti  collaborative desktop publishing.

Maang-angay ti RSPC kas maibatay iti RA 7079 wenno ti Campus Journalism Act of 1991 a kangrunaan a puntiriana ti promosion ken pannakaidur-as ken irarangpaya ti campus journalism a pangpapigsa iti tagimpen iti etika, panangsappuyot iti kritikal ken managbuangay a panagpampanunot ken panangpadur-as iti moral a karakter ken personal a disiplkina dagiti agtutubo a Filipino.#