Footer

16 barangays ti Cabugao, naiserrek a makisalip iti SIGLAT Awards

CABUGAO, Ilocos Sur – Sangapulo ket innem a barangay ti inserrek ti lokal a gobierno ditoy nga ili a maisalip iti nadumaduma a kategoria para iti SIGLAT (Salisal Iladawanna Gaget ti Lumugar, Agsaknap ti Timpuyog) Search 2015.

Naammuan ti Tawid News a naiserrek dagiti 16 a barangay ditoy iti kategoria a Best in PWD Implementation, Outstanding Lupong Tagapamayapa, Best in Agricultural Productivity, Best in Barangay Herbary, Best in Elderly Program Implementation, Outstanding 4-H Club, Outstanding BADAC (Brgy. Anti-Drug Abuse Council), Oustanding Barangay Based Cooperative, Best Day Care Center, Best in Solid Waste Management, Best in Sports and Physical Development, Best in Barangay Tree Park, Outstanding Day Care Worker, Cleanest and Greenest Barangay, Best Performing Barangay, Best in Fist Production, Best in Tourism Promotion, Outstanding BHW, Most Child Friendly Barangay, Best in Nutrition Program Implementation, Best Innovative Practice, Outstanding Fishermen’s  Organization, Outstanding Farmer’s Organization, Best in Barangay Intensive Gardening, Outstanding BNS, Outstanding Punong Barangay, Best in Coastal Resource Management, Outstanding Sangguniang Barangay, Most Healthy Barangay, Outstanding Barangay Secretary, Best in Organic Program Implementation.

Idi Enero 11, binisita dagiti dagiti opisial dagiti nadumaduma a departamento iti gobierno probinsial ket nagmalem nga insayangkatda ti on-site validation kadagiti 16 a barangay entries iti SIGLAT.

Mapadayawanto dagiti mangabak bayat ti Kannawidan Ylocos Festival a selebraran ti probinsia kalpasan ti panagpiesta ti Siudad ti Vigan a maangay manipud iti Enero 18 agingga iti Enero 26.

Tinawen nga angayen ti probinsia ti Kannawidan Ylocos Festival kas panangselebrarna iti panagwaywayas ti Ilocos Sur a probinsia idi Pebrero 2, 1818.

Nagsasaruno a napadayawan ti Cabugao a “kasiglatan” nga ili idi 2012, 2013, ken 2014 iti babaen ti administrasion ni Mayor Edgardo S. Cobangbang, Jr..#