Footer

2 natnag iti operasion ti droga

SANTA MARIA, Ilocos Sur – Dua a drug pusher ti naipalab-og iti nagsina nga operasion ti droga nga insayangkat ti kapolisan sadiay Vigan City ken ditoy nga ili idi Enero 14.

Idi agarup 7:14 ti nadakamat a petsa, inyimplementar dagiti nagtipon nga elemento ti CIDT Ilocos Sur, ISPPSC ken Vigan City police station ti search warrant nga inyisio ni Judge Francisco Ante, Jr., ti Municipal Trial Court in Cities, Vigan City, Ilocos Sur ket sinukisokda ti balay ni Richard Paa Fieldad, 43, naasawaan, construction worker ken residente iti Barangay San Julian, Vigan City a nagresulta iti pannakakumpiskada iti maysa a heat sealed plastic sachet a naglaon iti mapapati a shabu ken assorted nga aluminum foil strips nga addaan iti masuspetsa a residue ti droga.

Naipan ti suspek ken dagiti nakumpiska kenkuana iti police station ti Vigan City para iti umisu a disposision.

Kabayatanna, dua a dadakkel a plastic sachet ken 11 a babassit a sachet a nagkarga iti mapapati a shabu ken naduma-duma a drug paraphernalia ti nakumpiska dagiti nagtipon nga elemento ti Sta. Maria police station ken PDEA Ilocos Sur Special Enforcement Team (ISSET) ken ni Rodbel Cabbab y Itchon, 30, baro, iti buy bust operation nga inwayatda sadiay Barangay Laslasong West, Sta. Maria idi agarup 4:45 ti nadakamat met laeng a petsa.

Nakakumpiska pay dagiti operatiba iti P2,700.00, ken uppat a tig-P1,000.00 marked money a naaramat iti tran-saksion.

Inimbentario dagiti polis dagiti nakumpiskada iti sanguanan da Brgy. Capt. Jovencio Delos Santos ken Brgy. Kgwd Teofilo Delos Santos ken ni Geoffrey A. Barredo, kameng ti media sada impan ti suspek iti police station ti Sta. Maria agraman dagiti nakumpiska kenkuana para iti umisu a disposision.#

Comments are closed.