Footer

OPERATION PULOTAN

Sarita ni Jobert M. Pacnis

(MAIKADUA A PASET)

Nakadanonen ken ni Lakay Indung daytoy nga aramid ni Sabas. Binag-bagaan ti lakay– adu a pammagbaga. Ngem dina impangpangag.

“Makasarakkanto la ngata iti pakapaggangam,” kinuna idi ti lakay. “Taraon dagiti natay, agawem pay laeng!”

“Tatang,” inrasonna idi, “saanen a makapangan dagiti natay. No apay nga-min dayta a pammatitayo, a,” kunam no asino a kalaingan. “Sabali a taraon ti kasapulanda. Panangi-kararag, pananglagip kada-kuada…”

“Pilosopo!” intebbag ti amana. “Imbagak, aya, a pisikal a kanenda? Ti aya-muom ti taraon, umanay kadakuadan. Ken ti panna-kalagip kadakuada. Rag-sakda daytan a napalalo nga agsubli iti naggapuanda.”

“Kitaenyo, tatang, dakayon ti nagkuna a didan makapangan. Mamin-ano met laengen a say-openda ti taraon? Ngarud, rumbeng a pagnumaran daytoy kal-pasan a masay-opda. Saan a baybay-an a mabangles dita!”

“Laglag!”

“Ken, tatang, kasano pay nga umay dagiti minatay makipiesta no addadan iti kaikarianda… ‘la man? Diyo kunaen nga agpaka-dada ken ni Satanas wenno iti Dios?”

“Kinalaglagmon, ‘ya!” dayta laeng ti naisungbat ti amana.

Ngem awan ti naaramidan ti amana. Nagtuloy ti ara-midda nga agatanud. Tina-wen nga arkosda iti kampo-santo—saan a tapno mang-lagip kadagiti immunan ngem ketdi tapno agoperasionda iti naimas a pulotan.

“Dayta ti maal-alam!” nalagipna ti inkilga ti amana idi napan a tawen. “Dinusa-dakayon dagiti inagawanyo iti taraon!”

Kasano, kabigatan daydi pinagpulotanda iti letson a baka a naoperasionda nga agatanud, nagkabbibaw ketdin. Kasla idi agsubsubsob a baboy.

Ngem saan a namatpati iti amana. Kasano koma a ma-pagkabbibaw dagiti ibagbaga ti amana nga al-alia wenno di-katatawan? Ken awan la ti panamatina iti al-alia. No agpayso man nga adda al-alia, kabaelanda ngarud ti mangpakabbibaw iti tao?

Adu la amin, inliblibbi ti kaungganna.

Gapu ta di nalaingan iti dua nga aldaw a panagmulmu-lumogna iti apaganem-em a nalaokan iti asin, ken panang-taptapalna iti erbaka, adda idin panamatina iti amana. Ngem sakbay a napasamak dayta a panamatina, inked-dengna ti agpakita laengen iti doktor. Ti kano limteg a gugot ti agsaksakit a ngi-penna ti makagapu iti an-annayenna.

Ngem kadaydi a malem ti panagpakitana iti doktor, isu met ti ipapan panangwaris ni Lakay Indung iti kamposanto.

“Husto ti kunak, dinusa-daka dagiti ag-agawanyo iti taraon,” konklusion a dagus ti amana idi agimbag kalpa-san ti dua nga aldaw a panagtomarna iti inreseta ti doktor nga agas.

“Ania ketdin ni tatang,” kinunana idi. “Ni doktor ti nakaagas kaniak.”

“Sige, dinak patpatien! Dinakto pabasolen no nakar-karonto pay ti kapay-anyo nga agatanud.”

Nadoble ti bilang dagiti tao idi makadap-awda manen iti kamposanto. Agalas nueben iti agsapa. Saanen nga agsarday ti panangwaris ken panangikararag ni Fr. Omar kadagiti minatay. Agdidin-nuron payen dagiti agpalista kadagiti kakadua ni Apo Padi tapno maikararagan met dagiti minatayda. Agmay-maysa ngamin ni Fr. Omar a mangserserbis ditoy a kamposanto tunggal kastoy a panawen.

“Makitam ‘diay makitki-tak, atanud?” inkalbit ni Ferdie kenkuana. Nakapues-toda iti nangato a paset ti kamposanto nga asideg kadagiti dadakkel ken naba-layan payen a panteon.

“Sadino?” inamadna.

“Iti green a musoleo.”

“’Diay baket?’

Nagtung-ed ti atanudna. Nabagas ti panaginnisemda.

“Makaammoka nga-ruden, ‘tanud,” kinunana.

Inayosda ti ‘diarda.  Agpadada a naka-six pocket a short pant nga inas-manganda iti nangisit a t-shirt. Ken naka-rubber shoes-da. Asino ti mangi-pagarup ita nga isuda ti akingapuanan kadagiti milagro iti kamposanto?

Inasitganda ti baket a mangpunpunas kadagiti matana kalpasan a naidisso daytoy ti atang. Napatilmon a nakakita iti black label ken letson-kawali. Timbog ti dilana.

Naimatanganna no kasa-no a bininsir ni atanudna ti lapida. Idi kuan, kasla nakasigsigurado a nangpa-guni iti baket.

“Apongnakayo ni Carding, lola?” intudo ni atanudna ti kabarbaro a tarpaulin a naisab-it iti uluanan ti panteon.

Kinita ti baket ni Ferdie. Ni Sabas, pidilpidilenna ti timidna a mayat ti paku-yegyegna a nagtugaw rabaw ti panteon iti asideg. Kitaek man, atanud, no kayam, kinunkunana iti unegna.

(Maigibusto)

Comments are closed.