Footer

Panagpapadapada

Sinursuran:  Kolum ni Jobert M. Pacnis
(TULOY NA)

Kadayta a prediksion, asino ti di maawis a mangigasanggasat ti biagna iti sugal?

Ket kasla man kayatko, ta Tawen ti Kabalio met a timmaoak, a padasen dayta panagtaya iti lotto tapno malibasak metten ti rigat a kumaykayetket latta iti inaldaw-aldaw a panagbiag. Ngem kasanon ket diak pay napadasan ti naabak uray piso la koma kadayta kontrobersial a hueteng? Daytanto la ketdin lotto wenno sweepstakes? Ala, wen, dakkel ti maitultulong dagitoy kadagiti kakabsat nga agkasapulan. Ngem rumbeng kadi nga isadag lattan iti sugal, suerte ti inal-daw a panagbiag?

Inkaubingak nga ipateg ti tunggal sentimo a masa-pulan ta dayta ngarud ti inyadal dagiti nagannak kadakami nga agkabsat. Isu a dagiti nasapulak iti panag-lakolakok iti pandesal, tinapay, ice candy, ken balangeg idi elementariak pay laeng, nagdiretsoda iti tubongko a kawayan nga aramid ni tatang. A puon met ti nakapadayawak iti Most Thrifty idi agrikep ti klase. Uray “most” laeng daydi, nakapatpateg para kaniak. Saan a naipaay lattan daydi a pam-madayaw. Pudno a naarisit. Malagipko la unay nga impaala pay ti maestrami dagiti urnong-mi tapno ammona no asino a talaga ti mapadayawan. Ket nupay basbassit nga amang ti urnongko ngem dagiti adda ibagbagana iti biag a kaadalak (ta nagsisikkil a papel de banko dagidi impakitada), siak ti pinili ti maestrak. Ipakita kano dagiti sagbibinting ken sagsasalapi (addada pay gandol, ‘tay dakkel a piso) nga urnongko iti tubong a talaga a “thrifty-ak.” Ken naduktalanna a dinawat la gayam dagiti kaklasek kadagiti nagannakda dagiti impakitada nga urnong-da. Ita, dagiti award kadagiti ubbing, kasla saanen nga agdaldalan dagitoy iti umisu a panangarisit. Kas kapaliiwan, ngannganin sa aminen nga adalan iti elementaria ket maikkan iti pammadayaw. Kasano pay ngarud a “most” ita dayta a pammadayaw no naka-ad-adu met ti pakaitedanna?

Ken naitukit iti isipko ti kaawan ti maala a kinaimbag iti sugal. Isu a sipapannak-kelak nga agkuna a diak pay pulos nagtaya iti hueteng, Ket ita a Tawen 2016, saanko a mulitan dayta a rekord gapu laeng kadayta prediksion a gasat dagiti nayanak iti Tawen Ti Kabalio.

No pagsasaritaantayo dagiti banag a makaited iti suerte itoy a tawen, saantayo a maibusan kadagiti pammati. Nadumaduma a lugar, nadu-maduma a pammati. Ngem adda laeng iti tao dayta a suerte, awan kadagiti banag a nakalupkopan iti gambang a pammati. No kasano ti rela-siontayo iti Dios, dayta ti ammok a pamunganayan ti pudpudno a suerte iti biag.

Isu a di met siguro paka-lagidawan ti panangkanu-nongko la unay kadayta ikam-kampania ita ti Departamento ti Salun-at, PNP, DENR, Bureau of Fire Protection ken dadduma pay nga ahensia. Kayatda ti naan-anay a pannakaipawil ti panagpa-putok iti panangsarabo ti baro a tawen. Kidkiddawenda ti tulong dagiti adda iti local government units. Wen met ngamin, no saan a talaga a palugodan dagiti opisial ti ili dayta a tradision, maguped la ketdi. Kinabaelan dagiti dadduma nga ili a pinawilan daytoy, saan ketdi ngatan a kabaelan dagiti dadduma?

No apay ngamin, manen, a ditayo maikkat dayta a tradision iti labes ti kaadun a nadadaelna! Iti report, tinawen latta ti panangngato ti bilang dagiti biktima ti paputok.

Adtoyen ti Tawen 2016. Rugiantayo ngarud nga utoben dagiti biagtayo.

Napintas la unay no surotentayo ti kabubugas ti sermon ti Santo Papa itoy nga iseserrek ti Baro a Tawen. Ikkaten ti diskrimi-nasion iti biag. Panagpa-padapada.  Padapadatayo, ania man ti kasasaadna iti gimong, iti imatang ti Dios. Awan ti nangato ken nababa. Annaknatayo amin ti Dios.

Ikkaten ngarud dayta panangidaddadumatayo. Saantayon a mangilang-langi. Kaasiantayo dagiti kakabsat nga agkasapulan  Iburay ti adda kadatayo.

Simple laeng ti gutguti-goten daytoy a kiddaw ti Santo Papa. Ayat, napud-pudno nga ayat, awan panaginkukunana nga ayat. Dayta koma ti agari kada-tayo iti inaldaw-aldaw.

Ta sigurado a suerte ti ipaayna kadatayo uray awan dagita a pampasuerte a paggastosan laeng.

Rugiantay’ ngaruden nga itukit dayta nga ayat kadagiti agkasapulan. Nasuerte a 2016!#

Comments are closed.