Footer

3 polis a nakatiliw grupo drug pushers, napadayawan

SAN FERNANDO CITY – Tallo a polis ti namedaliaan gapu iti pannakatiliw ti grupo dagiti tattao nga aglaklako iti droga iti maysa nga otel iti Sudipen idi Pebrero 21.

Mismo a ni Chief Supt. Ericson T. Velasquez, acting regional director, kaduana ti command group ti nangiyaspili iti medalia kada Police Senior Inspector Bernardo Manzano ken dua a polisna bayat ti flag ceremony iti grandstand ti Police Regional Office idi Pebrero 29, 2016.

Maipalagip nga idi Pebrero 21, dagus a nagresponde da Manzano ken dua a polisna apaman a nakaawatda iti mensahe nga adda suspetsado ti gunayda a grupo iti Villa d Ellita Hotel and Resort, Brgy. Ipet, Sudipen, La Union.

Idi nakadanon dagiti polis iti nadakamat a lugar, nasiputanda ti grupo nga agidisdissaag iti berde a traveling bag manipud iti maris dapo a Toyota Tamaraw FX.

Idi umasideg dagiti polis, dua a lalaki a nabigbig idi agangay a da Jake C. Sudario ken Lheor Angelo P. Prowel ti kellaat a timmaray nga aglibas ngem naipiskot dagitoy agraman dagiti siam pay a kakaduada.

Nakakumpiska dagiti polis iti 10 a bricks ti marijuana fruiting tops, maysa a heat-sealed plastic sachet a naglaon iti mapapati a shabu, ken kuarta a P66,980.00 a mapa-pati a proceeds manipud iti transaksion iti droga.

Kinuna ni Velasquez nga iti pannakatiliw dagiti suspek, impakita dagiti napadayawan ti kinaepektiboda a nangikursong iti pagbaludan dagiti personalidad nga agisaysayangkat iti illegal nga aktibidad ti droga a rumbeng a pagtuladan ken bigbigen.#

Comments are closed.