Footer

Summit naangay kadagiti COP para iti SAFE 2016

CAMP BGEN OSCAR M FLORENDO – Maysa a summit meeting ti inangay ti liderato ti Police Regional Office ditoy idi Abril 11 a tinabunuan amin dagiti hepe ti polis iti rehion tapno masigurado ti pannakaisayangkat ti natalged ken nadalus nga eleksion inton Mayo 9, 2016.

Kinuna ni Region 1 Police Director Chief Supt. Ericson T. Velasquez nga inangayna ti nasao a summit tapno personal nga agkikita dagiti COPs ken maipaay kadakuada dagiti napateg nga impormasion ken pagbatayan ti operasion nga ipatungpal ti amin a kapolisan ti PRO1 tapno masaluadan ti nasional ken lokal nga eleksion.

Kinuna met ni Deputy Regional Director for Operations Police Senior Supt. Reynaldo G. Biay nga  impresentar dagiti hepe ti polis dagiti masirmatada a pagpeggadan, plano ti deployment ken contingency iti responsibilidadda a lugar a pakairamanan ti mobilisasion dagiti force multipliers.

Napagpapatangan pay bayat ti summit dagiti preparasion ti seguridad kas iti pannakaibiahe, pannakaideliber ken retrieval iti vote counting machine ken dadduma pay a paraphernalia.

Kanaig daytoy, imbilin ni Velasquez kadagiti COP ti panangmentenerda iti nangato a level ti presensia dagiti polis ken panangipasiguradoda iti nainget a superbision iti las-ud ti lugar ti responsibilidadda.

Inyunay-unayna pay ti panangipaay iti dekalidad a panangidaulo ken nasinged a koordinasion kadagiti election supervisors ken board of election inspectors.

“Simple ken nalawag ti pammilin kadakami iti PNP: ti panangkita a natalna ken naurnos ti eleksion,” kinuna ni Velasquez.

Indagadagna kadagiti COPs ti panagtalinaedda nga awan ti manmanokenda iti politika, ti nainsiriban a panagbutosda ken bay-anda ti politika iti ima dagiti politiko.

“Move forward with greater resolve and efficiency and prove to the people we serve that we are committed to protect their votes and their rights to suffrage,” Velasquez said.#

Comments are closed.