Footer

Agpaspasada, natakawan bayat pannaturogna

VIGAN CITY – Ti makaturog ket makamukat, kuna ti pagsasao.

Pimmudno daytoy ken ni Joval William Fermato, 28, baro, drayber, ken residente iti Barangay Capangpangan ditoy siudad ta natakawan bayat a nargaan ti turogna iti uneg ti traysikelna.

Kas panagimbestiga dagiti polis, bayat ti pannaturog ni Fermato iti uneg ti traysikelna, sinikuat ni Rolly Radiosa, residente iti Barangay Ayusan Norte, Vigan City, ti shoulder bagna a nakaikabilan ti lisensiana ken kuartana nga agdagup iti P3,500.00.

Ngem maysa a Jojit Castillo y Lopez, 42, ken residente iti Barangay VII ti nakasaksi nga adda innala ni Radiosa iti uneg ti lugan ni Fermato.#

Comments are closed.