Footer

Baket, nasukalan a nangisakibot iti shampoo

VIGAN CITY – Dua a Sunsilk Shampoo, Clear Shampoo ken Creamsilk Conditioner ti pinadas nga ilusot ti maysa a baket manipud iti maysa a pagtagilakuan ditoy siudad ngem malasna ta nabuking.

Kas maibatay iti police blotter, natiliw iti akto a mangiruar dagiti tagilako manipud iti Janice Grocery ni Lita Daquel Faypon, aka Lita Camacho, 64, baak, ken residente iti Barangay IV, Vigan City ngem agup-upa iti maysa a pagkaseraan sadiay Barangay Ayusan Norte, Vigan City.

Iti panagimbestiga dagiti polis, nagpammarang ni Daquel a kustomer ngem nasiputan ni Angelita Reclusado Gaspay, 47, naasawaan, ken residente iti Barangay Lubong, San Vicente, Ilocos Sur, a nangisakibot dagiti nasao a tagilako iti uneg ti akinsango a bulsa ti short pantna.

Naikustodia ti suspek iti police station ditoy para iti umisu a disposision.#

Comments are closed.