Footer

Agkabsat, nakumpiskaan iti paltog

SINAIT, Ilocos Sur – Nakaiskor manen ti kapolisan ditoy probinsia iti kampaniana maikontra iti loose firearms ken droga babaen ti operasion nga insayangkatda iti pagtaengan ti maysa a drug personality sadiay Barangay Paratong ditoy nga ili idi malem ti Mayo 3.

Nagtitipon ti kapolisan a pakaibilangan ti CIDG Ilocos Sur, Sinait Police Station, ISPIB, PAIDSOT, ISPPSC, Phil Army and PDEA RO1 a nangipakat iti search warrants nga inyisio kadakuada ni Judge Marita B. Balloguing ti Regional Trial Court, Branch 20, Vigan City, maikontra ken ni Rowel Ibarra y Pacis, 36, naasawaan, mekaniko, ken residente iti nadakamat a barangay a nagresulta iti pannakakumpiskada iti paltog, droga ken ramramit-droga.

Karaman dagiti nakumpiska dagiti operatiba iti balay ni Ibarra ti maysa a homemade 12 gauge shotgun (pistolized); 10 a heat sealed plastic sachet a nagkarga iti mapapati a shabu; 5 a glass tooter; 2 a plastic straw improvised scoop; weighing scale; ken blue torch.

Naaresto met ni GL Ibarra y Pacis, 31, naasawaan, mekaniko ken residente met laeng iti nadakamat a barangay agsipud ta nasukalan iti ikutna ti maysa a caliber 22 (snub nose), awanan serial number ken brand name ken 11 a bala para iti nasao a kalibre.

Naipan dagiti naaresto ken dagiti nakumpiska kadakuada iti CIDG Ilocos Sur para iti dokumentasion ken umisu a disposision.#

Comments are closed.